360° VR-films en 3D-toopassingen

Wekket oewe wearld digitaal töt leaven met Virtual en Augmented Reality of ne 360° video.

Scroll down

Zin iej innovatief? En oewe warvingswiezen?

Wo kunnig kump oe dit veur? Iej doot oew beste um as bedrief veurop te lopen met de niejste technologie en beste arbeidsveurwearden, mer toch kom iej stöadig an volk tekort. De standaard vakatures leavert niks op. Heb iej al oaver oewe employer branding noadacht? Met andere wöarde: wodöanig as iej as warkgeaver oaverkomt?

Spölt oezelf in de kieker

Doot oewe nieje warvelingen ne onvergettelike beleaving: een inkiek in öar tookomstige warkstea. Met de technologie van Virtual Lab 17 beed iej oewe sollicitanten ne unieke 360°-rondleiding. Veur bedrieve nen perfekten kans um op te vallen bie öare tookomstige metwarkers en um zikzelf veur innovatief oet te geaven. Veur leu van et arbeidsburo ne oavertugende kennismaking. Iej trekket ze hoaste letterlik oaver ‘n zul.

DOOT ONS BERICHT

360º media en VR beleaving
360º media en VR beleaving

Spölt oezelf in de kieker

As jong en ambitieus bedrief wil Virtual Lab 17 oew bedrief gearne helpen um vol te profiteren van de unieke meugelikheden van Virtual Reality. Um oe oet te lichten as innovatieven kartrekker en oewe klanten een roemer markgeveul te bezörgen. Met onze 8K-filmbeelden leavert wiej indrukwekkende, leavensechte beeldkwaliteit.

Heb iej nen webshop en wil iej oewe klanten oewe produkten in 3D en Augmented Reality loaten beleaven? AR helpet ze um te beslissen of dee nieje banke wal bie de rest van de hoesroad steet, zonder dat ze ne eerst in hoes hoovt te halen.

As warvingsbedrief kön iej sollicitanten öare nieje warkstea loaten beleaven in Virtual Reality of ze alvuste rondleiden deur et kantoor en de afdelingen.

LEART ONS KENNEN

Virtual Reality, wat heb iej der an?

Et olde verhaalken wil dat ne foto mear zegt as doezend wöarde. Wat noe as oe dat beeld ook nog es volledig umslöt? Ne intense beleaving in tied en ruumte. Wiej zet gearne de meugelikheden veur oe op de riege:

  • Ne leavensechte beleaving van oew bedrief en warkprocessen
  • Oavertuugt deur vergroot markengeveul
  • Loat zeen dat iej nen innovatieven warkgeaver zint woar as leu gearne veur warket
  • Maakt speciale ogenblikken nog es vanniejs met deur 360°-video
  • Loat klanten produkten in thoes projekteren met Augmented Reality

Niejsgierig?

Niejsgierig ewörden?