360° 3D-Videos: zeen is geleuven

Ne 360° 3D-video böd ne allensumvattende wearld van beleavingen. Oavertuugt tookomstige warknemmers dat oew bedrief veur öar de beste keuze is, deur ze alvuste veuraf rond te leiden. Iej köant bieveurbeeld letterlik filmen woar as iemand kump te warken. Of loaten zeen wat veur soort wark as ze goat doon. Iej köant met disse techniek ook oew bedrief as geheel presenteren, of instruktievideo’s maken en oetleg geaven. 360° 3D-video’s zint een modern marketinghulpstuk woarmet iej oewe markbeleaving en warkgeaversoetstroaling köant verstarken.

DOOT ONS BERICHT

Scroll down

Wo as et warket

Met onze 8K dreedimensionale kamera filmet wiej oew evenement of bedrief in messkarp 3D. Onze kamera-opstelling besteet oet meardere, hoogweardige dubbele kamera’s, dee as allemoal net iets ne andere kante op kiekt. Met krachtige programmatuur voogt wiej de beelden samen töt ne noadloze en allensumvattende digitale umspanning. Afhankelik van onder wat veur nen hook of iej kiekt, wörd ene van de dubbele filmbeelden op oewen 3D-bril of skarm teund. Zo kön iej um oe hen kieken en leavenstrouwe skarpte-deepte beleaven. As of iej der middenin stoat!

NIEJSGIERIG?

Maximale ervaring
Maximale ervaring

Wo as iej 360° VR köant gebroeken

Virtual Reality is een krachtig marketingwarktuug. Ne state-of-the-art 360° 3D-video van oew bedrief trekt meteen allen andacht. Better nog, et löt zeen dat iej de niejste technologiën dörvt an te nemmen en innovatief zint.

Binnen de horeca wordt 360° 3D-video’s veurtan vaker broekt um gastvrieheid te oet te dreagen. Gäste köant veuraf al rondkieken en sfeer preuven in et hotel of restaurant. Et helpt ze besloeten of ze een kamer of toafel bookt of neet.

doot ons bericht

Meugelike toopassingen van 360° 3D-video

Bie Virtual Lab 17 richtet wiej ons veural op de warving- en selektiebranche. Recruiters, HR-leu en oetzendburo’s köant met onze Virtual Reality-technologie nieje warknemmers oavertugen dat ze der good an doot zik bie öar in te skrieven. Standaard vakatures leavert al lange neet mear de beste resultaten op. Virtual reality gef bedrieven nen kans um zikzelf inzichtelik te maken en zik op innovatieve en visueel antrekkelike wieze te presenteren. Nen VR-film kan rap edeeld worden op sociale media, woar as et meteen veur extra andacht veur oew bedrief zorget.

leert ons kennen

Niejsgierig ewörden?